GENERAL SANTOS CITY – Nagpabangutan ang pamilya sa usa ka senior citizen human natumbahan sa punuan sa lubi ang panimalay niini sa Purok 1, Barangay Rubber,Polomolok South Cotabato.
Giila ang biktima nga si Thelma Gansing, 61 anyos, balo ug residente sa nahisgutang lugar.
Sa report gikan Polomolok Municipal Police Station nga anaa lang sulod sa panimalay ang biktima tungod sa kakusog sa hangin dungan ang pagbundak sa ulan dihang misulay kini ug gawas gumikan sa kahadlok nga basin maguba ang balay nga ginama lamang sa light materials.
Kalit lang natumba ang punuan sa lubi nga mi-igo sa balay ug sa biktima.
Luyo sa kakusog sa ulan, gilayong gidala sa tambalanan sa Polomolok ang maong edaran apan gideklarang dead on arrival sa attending physician.
