GENERAL SANTOS CITY – Nagpabiling nagpabungutan ang pamilya human napatay sa gipahigayon nga search warrant operation.
Patay ang negosyante samtang laing usa pa ang gideklara nga dead on arrival sa hospital human pa misukol sa kapulisan.
Matud ni Police Capt. Rommel Hitalia, sa Polomolok Municipal Police Station nga unang gisulod ang panimalay ni Roberto Chavez Swerte, 41 anyos usa ka negosyante nga nagpuyo sa Polomolok gamit ang search warrant sa korte aron pangitaon ang druga ug armas.
Apan misukol matud pa ang target nga si Swerte hinungdan nga napusilan sa mga otoridad ug gidala sa tambalanan.
Nakuha ang usa ka 38 revolber nga may unom ka mga bala ug duha ka dagkong putos sa gidudahang shabu.
Samtang gibutyag ni Gloria Swerte ang Inahan sa target suspek nga daghan ang gibuhi sa iyang anak tungod nagpaabang kini ug mga sakyanan sa Dole Philippines.
Dili matud pa tinuod nga may gitago nga armas ug druga ang iyang anak.
Patay usab ang nagpangalan ug Roy Cañete nga residente usab sa poblacion Polomolok.
