GENERAL SANTOS CITY- Nahimong hisgutanan sa session sa Sangguniang Panlungsod ang natigayong sabong sa dakbayan.
Kini human nga gipatawag ang tigdumala sa Katangawan Gallera gumikan wala gisunod ang social distancing.
Lakip nga gihisgutan ang kalabutan sa pagpasirado ni Mayor Ronnel Rivera sa tanang mga sabungan gumikan adunay nagpostibo sa covid 19 sa Calumpang Gallera.
Apan gikwestyon gumikan nagpahigayon og sabong sa Apopong Gallera.
Sa pamahayag ni Geraldine Zamora, labaw sa Business Permit and Licensing Division kon BPLD nga kini gumikan personal nga miadto si Mayor Rivera kung natuman ang mga patakaran.
Matud pa ni Zamora nga daghang mga angayang sundon ang mga sabungan base sa patakaran sa IATF gumikan sa padayong bahad sa covid 19.
Matud ni Zamora nga ang pwede nga tugtan nga makasulod lang sa sabungan ang handler ug financier sa manok ug dili tugutan nga makasulod ang mga tayador kung asa bawal usab ang online betting.
