GENSAN- Gipasiguro sa Sangguniang Panlungsod sa General Santos City ang maampingon ug responsableng paggamit sa pondo sa katawhan atol sa nagpadayong budget hearing alang sa Fiscal Year 2027.
Gipahigayon ang hearing sa Ameliyah’s Venue sa Naranjita Street, diin gisusi ang gisugyot nga badyet aron masiguro nga husto ang pag-apod-apod sa pondo sumala sa mga prayoridad sa kalamboan ug panginahanglan sa dakbayan.
Gipasiugda ni City Councilor Gacal, chairperson sa Committee on Finance, ang kahinungdanon sa maampingong pagsusi ug paggahin sa badyet, diin ang matag gasto sa gobyerno kinahanglan makahatag og kaayohan sa katawhan.
Mitambong usab sa deliberasyon sila City Councilors Richard L. Atendido ug Elizabeth Bairoy-Bagonoc.
Pinaagi sa maong budget hearing, gipakita sa lokal nga panggamhanan ang ilang pagpaningkamot nga mapalambo ang transparency, accountability ug responsableng pagdumala sa pondo sa publiko aron matubag ang mga panginahanglan sa mga residente sa General Santos City.
