GENERAL SANTOS CITY – Gikumpirma ni retired Col. Renato Padua, Regional Director sa Land Transportation Franchising and Regulatory Board (LTFRB) 12 nga may special permit na nga gihuptan ang Yellow Bus Line sa pabiyahe paingon sa Sulop, Davao del Sur.
Matud pa ni Padua nga ang maong kompanya pa lang ang nag-apply sa ilang buhatan ug gihatagan ug pagtugot sa Nobyembre 16, 2020.
Hinoon ang tanang mga biyahe sa mga pampublikong mga sakyanan ang angayang magkuha og special permit ug siguraduhon nga sundon ang tanang gipatuman nga mga healthy protocols batok sa COVID 19.
Kahibaluan nga sa social media account sa maong bus company limitado gihapon ang biyahe kung asa first trip gikan sa GenSan padulong sa crossing otsenta mupahawa sa dakbayan alas 5:00 sa buntag og ang last trip pabalik sa GenSan alas 2:00 sa hapon.
Kini ang labing unang higayon nga may biyahe nga bus gikan sa Region 12 pagawas sa dakbayan sukad nga nagsugod ang lockdown gumikan sa COVID 19 sa miaging bulan sa Marso 2020.
