GENERAL SANTOS CITY – Gatusan ka mga armas ang gipang-apod-apod sa Police Regional Office (PRO) 12 sa matag provincial police office sa Region 12.
Matud pa ni PLtC. Lino Capellan, ang tigpamaba sa PRO 12, apil sa bulahan nga makadawat sa mga short firearms ang mga bag-ong nahimong pulis nga dakong aron mahimo og tarong ang ilang mga trabaho ilabina sa pagpatunhay sa kahapsay og kalinaw sa tibuok rehiyon.
Aminado opisyal nga adunay mga presinto nga kulang sa armas sa pagkakaron.
Sa pamahayag ni Capellan, mismo si Police Brigader General Michael John Dubria, ang Regional Director sa PRO 12 ang personal nga mitunol sa bag-ong procure nga mga armas lakip mga bullet proof vests ngadto sa mga city og provincial directors sa rehiyon nga ang seremonya ang gipahigayon sa grandstand sa PNP 12 Headquarter sa Brgy. Tambler human sa flag raising ceremony kagahapon.
Kini dungan usab sa blessing usab sa mga bag-ong procure nga mga ekipo sa PNP national headquarters nga gipahigayon sa Camp B/Gen Rafael T. Crame sa Quezon City.
Nagkantidad og P569 Million ang mga bus, motorsiklo, sakyanan nga kabahin sa modernization program sa PNP ilawom sa PNP P.A.T.R.O.L. Plan 2030.
Mismong si PNP Chief, Police General Camilo Pancratius Cascolan ang personal nga nanguna sa pag-blessing sa mga bag-ong procure nga ekipo.
