GENERAL SANTOS CITY – Nagpahigayon na ug orientation karong adlawa ang National Housing Authority (NHA) sa 122 ka pamilya nga nagpuyo sa Zone 6, Bula ning syudad alang sa gikatakda nga pagbalhin sa Guardians Hilal sa Bawing ning dakbayan.
Matud ni Mary Ann Bacar, labaw sa City Housing and Land Management Office (CHLMO) nga kaniadto nagmagahi ang nahisgutang mga residente sa pagtuo nga ibaligya ang maong lugar aron ilang hulog-hulogan.
Gumikan kay nadawat na sa mga residente andam na sila nga ibalhin sa Bawing.
Gipaklaro ni Bacar nga nagkasinabut ang NHA, ug ang sheriff sa gikatakda nga pagbalhin sa mga residente.
Sa pamahayag ni Bacar nga walay bisag usa ka residente ang mibalibad nga mubalhin sa Bawing ning higayona.
Dugay na ang maong isyu nga kaniadto dili muhawa ang mga residente tungod anaa sa maong area ang ilang panginabuhiuan.
