GENERAL SANTOS CITY – Walay nakit-ang foul play ang kapulisan dihang girespondihan ang lalaki nga nakuryentehan sa Conel ning syudad.
Giila ang nahisgutang biktima nga si Don Afando, 30 anyos, residente sa Bo. 8, Koronadal City nagtrabaho sa usa ka construction sa Barangay Conel.
Natamakan sa biktima ang abli nga linya sa kuryente nga hinungdan sa iyang kamatayon.
Una nag nagpatala sa San Isidro Police Station ang nagpangalan ug Ariel Ramos, 24 anyos nga maoy nakakita sa patayng lawas sa biktima nga nagbuy-od na sa lugar.
Sumala kang Carlito Rosal nga kanunay hubog ang iyang pag-umangkon nga posebli nga iyang nasabod ang linya sa kuryente atul sa pagpauli niini.
Mismong ang mga sakop sa Scene of Crime Operatives (SOCO) ang nagbutyag nga walay ilhanan nga gituyo sa pagpatay ang biktima.
