GENERAL SANTOS CITY – Balhog ang usa ka Indonesian National sa Glan, Sarangani Province human nga nasuta nga walay igong papeles.
Sumala pa ni Col. Teody Condesa, tigpamaba sa Sarangani Provincial Police Office nga nasikop ang maong Indonesian national nga giila nga si Jeffrey Masua.
Nasayran nga sa dihang gisita sa mga otoridad wala kiniy mapakita nga papeles ug miagi matud pa sa backdoor sa nasud nga mao ang ruta sa Malaysia, Indonesia, Balut Island ug padulong sa Glan.
Ang moang indibidwal ang nanginabuhi sa pagpanagat sa maong lugar.
Ning higayuna anaa na sa Glan PNP ang nasampit nga Indonesian national ug pasakaan ug kasong kalapasan sa immigration law pinaagi sa inquest proceedings.
Matud pa ni Condesa nga hugot nga seguridad ang gipatuman sa border sa Glan hilabina na nga dali lang sudlan ug mga langyaw nga muagi sa backdoor sa nasud.
