GENERAL SANTOS CITY – Laing hugna na usab sa The Pink Run ang ipahigayon dinhi sa dakbayan sa Oktobre 6, 2019 alayon sa kasaulogan sa Breast Cancer Awareness Month.
Matud pa ni Dr. Ryan Aplicador, sa Philippine Medical Society GenSan chapter nga ikalima na ka tuig ang maong advocacy run.
Sa alas 5:00 sa buntag magsugod ang The Pink Run gikan sa Doctors Medical Suites sundan sa matigayon nga lay forum nga tubagon sa mga doktor ang mga pangutana kalabutan sa breast cancer.
Nasayran nga matag bulan sa Oktobre gipahigayon ang Breast Cancer Awareness Month.
Ang ilang gihimo mao ang awareness sa katawhan nga angayang magpacheck up sa doktor kung may gibati aron mahatagan og solosyon ang problema.
Iyang gihingusgan nga kung sa stage 1 ang breast cancer 100 percent ang survival rate sa pasyente, stage 2 anaa 80 percent, stage 3 anaa sa 60 percent og stage 4 anaa sa 30 to 20 percent.
Sa pamahayag niini ang gihisgutang survival rate ang kadtong mga pasyente nga nagapatambal sa doktor.
Gipaklaro ni Dr. Aplicador nga bisag lalake pwede nga makaangkon og breast cancer.
Ang Breast Cancer Awareness Month ang dili na lamang gihimo sa Pilipinas apan sa tibook kalibutan.
