GENERAL SANTOS CITY -Magsugod karong adlawa Hunyo 30, 2019 ang labing unang session sa 19th Sangguniang Panlungsod sa dakbayan.
Kini ang labing unang higayon nga magsession ang SP sukad nga nanumpa sila sa miaging Hunyo 28, 2019 alang sa ilang tulo ka tuig nga pagserbisyo.
Matud pa kang Vice Mayor Tonton Acharon nga sa session karong adlawa mao ang inaugural speech sa mga city councilors.
Samtang ang committee chairmanship ang mahisgutan sa sunod nga session.
Una niini gibutyag ni Acharon nga bisag lahi ang iyang partido kang Mayor Ronel Rivera dili siya ang mahimong problema gumikan katawhan ang iyang giserbisyohan gawas pa nga dugay na niini nga higala ang mayor.
Nasayran nga ang session sa SP mahitabo matag adlawng Martes nga magsugod alas 9:00 sa buntag.
