GENERAL SANTOS CITY – Dako ang paninguha sa siyudad nga makaangkon ug biyahe sa eroplano gikan GenSan padulong sa Clark International Airport and vice versa.
Kini human nga mipirma na ug memorandum of agreement (MOU) ang LGU tali sa Clark Development Corporation, Mabalacat Pampanga nga didto nahimutang ang maong airport lakip na ang tourism organizations ug business sector nga suportado ang maong plano.
Matud pa ni Leonard Flores, department head sa City Economic Management and Cooperative Development Office (CEMCDO), kung madayon dakong tabang sa mga taga Gensan ug kasikbit nga mga lugar kung makakonekta sa mga internationals hubs sa nasud.
Usa sa mga rason usab nga ang Clark International Airport ang major gateway sa laing mga nasud o daghang flights gikan sa abroad ang gatugpa.
Gawas pa niini nga ang maong airport ang shortcut padulong sa Northern Luzon.
Dakong ikatampo usab kini sa pagpromotar sa tuna industry.
Kahibaluan nga sa tanang mga international airport sa nasud ang Clark na lang ang walay biyahe sa GenSan hinungdan nga mao ang gipaningkamotan sa siyudad.
