GENERAL SANTOS CITY – Nagpabiling missing ang usa ka babaye nga pulis nga matud pa nalambigit sa dul-an P2 billion Police Paluwagan Movement o PPM scam nga si Patrolwoman Kristine Joy Rojas.
Kini ang gibutyag ni Lt. Col. Aldrin Gonzales, tigpamaba sa Police Regional Office 12.
Kahibaluan nga base sa report, sakay matud pa sa iyang motorsiklo si PO1 Rojas ug pauli na gikan sa PNP 12 Headquarters sa Brgy Tambler ning siyudad kaniadtong Marso 27, apan wala na nakauli sa iyang boarding house.
Sukad niatdo, dili na usab matud pa ma-contact ang cellphone number sa nasampit nga pulis.
Una niini, kahinumduman nga migawas ang pangalan ni Rojas isip escort-bodyguard sa listahan sa mga pulis ug sibilyan nga nalambigit sa kontrobersyal nga multi-bilion peso investment scam.
Hinundgan nga hilabihan ang kasubo sa pamilya sa nasampit nga pulis, hilabi na hangtod karon nga wala pa gihapon matud pay proof of life ni Rojas.
