GENERAL SANTOS CITY – Nagpahigayon ug proper coordination ang Bureau of Immigration and Deportation sa mga ahensiya alang sa repatriation sa lima ka Indonesian ug duha Japanese national nga nabangalan sa mga mananagat nga Pinoy.
Kasamtangan kustudiya sa nahisgutang buhatan ang lima nga giila nga silang Romad Hon, Ali Zar, Muhammad Saputra, Teguh Wahyu Otomo, Riza Ali Indawan nga taga Indonesia.
Samtang ginaberipika ang duha ka Japanese national nga silangh Hidekazu Minei ug Masahiro Tamashiro tungod wala kini mga papeles, human nga gituuhang naapil sa naunlod nga panagatan nila.
Miaging adlaw nabanggaan sa FB Jocelyn nga taga Gensan ang gisakyan nga fishing boat sa mga langyaw nga mangingisda sa kadagatan bahin sa CARAGA region.
Pipila ka minuto lamang human sa pagbangga gilayon nga naunlod ng panagatan sa mga langyaw hinungdan nga ilang gidala pabalik sa dakabayan.
Gisaysay ni Boat Captain Benjie Rocamora nga tulog ang mga sakay sa katagbo nga fishing boat hinungdan nga ilang nabanggaan.
Gilayon nga gidala sa BID Davao ang pito ug didto gikustodiya.
