GENERAL SANTOS CITY – Nalakip sa top most wanted person sa South Cotabato ang dinakpan nga kustudiya karon sa Tupi Municipal Police station.
Kini human nagpahigayon ug manhunt charlie ang Malungon Police Station kauban sa mga sakop sa Tupi Police Station ug mga sakop sa 1002nd Brigade Philippine Army.
Kini human makita sa Sitio Maligaya, Barangay Datalbatong Malungon ang wanted nga si Tirso Manggoy nga adunay kaso sa pagpatay ug paghupot ug armas.
Bitbit sa kapulisan ang warrant of arrest nga pirmado nilang RTC branch 29 Judge Eddie Roxas ug TRC 35 Judge Oscar Noel Jr aron sikopon ang nahisgutan.
Nasayran nga taga Sitio Gumilo Datalbatong ang suspek, 25 anyos, ulitawo.
Ang warrant of arrest sa kaso nga murder ang migawas kaniadtong Mayo 9, 2013.
Nasayran nga ang kaso nga murder ang walay girekomenda nga piyansa samtang ang kaso nga paghupot ug armas ang adunay piyansa nga P180,000.00
