GENERAL SANTOS CITY – Duha ang patay sa usa ka lang ka natigayong pagpamusil sa Nat’l Highway Prk. Kauswagan Brgy. Apopong ning syudad.
Dead on the spot si Roman Agpit, 35, laborer samtang dead on arrival sa ospital si Jerry Mantay, 30, minyo, laborer nga residente sa Prk. San Lorenzo Ruiz, Brgy. Apopong ning syudad.
Alas 8:30 kagabie natigayon ang pagpamusil samtang naa gahigda sulod sa ilang tindahan si Agpit nga nagduyan sa iyang anak, gipusil kini og naigo sa ulo, dughan og likod.
Samtang si Mantay nga anaa sa vulcanizing shop tapad sa tindahan gipusil sa ulo. Matud ni P/C/Insp. Renato Salarda sa Makar Police Station, duha ang target sa pagpamusil og wala lamang naangin si Mantay.
Gibutyag kaniya sa asawa nga samtang nagluto siya adunay XRM nga motorsiklo nga adunay duha nga sakay ang nihunong kilid sa ilang tindahan.
Ang mga suspek ang wala niya mailhan tungod pulos nakataptap ang nawong og naka-jacket ug itum.
Posibleng may kalabutan ang pagpamusil sa buy bust operation sa miaging semana kon asa ang mga biktima ang giduduhan nga maoy gahatag ug impormasyon sa kapulisan.
Sa pagkakaron padayon pang giimbestigahan sa ang maong krimen.
