GENERAL SANTOS CITY – Gipabalik na sa ilang nasud ang tulo ka mga Indonesian nationals human nga naaresto sa miaging semana sa checkpoint sa Sarangani Province. Kini human nga gibuhian ang mga nasampit sa Glan Municipal Police Station.
Kahinumduman, giila ang mga nahisgutan nga silang Janes Fresco Mangale, 23, ulitawo og Jeck Laune, 55 anyos, minyo nga pulos residente sa Taluad, Indonesia og Michael Lodwik Manahampi, 39 anyos.
Basi sa impormasyon nga gipaabot ni Pedrito Lopez, ang alien Control officer sa Bureau of Immigration and Deportation(BID) sa Glan, gibutyag niini nga pinaagi sa Indonesian consulate, gi-repatriate sa ilang buhatan ang tulo ka Indonesian nationals pinaagi sa pag-agi sa border crossing sa Balut Island.
Una nang gipaklaro ni Lopez nga wala nalambigit sa unsang mga dautang grupo ang tulo ka mga indonesians.
Kini human ang gipahigayong imbestigasyon sa tulo.
Nasayran nga ang tulo ang miadto sa Glan aron mukuyog sa ilang kabanay nga si Noemi Rasubala nga pamalayian.
Dungan niini, subling nanawagan ang BID Glan ngadto sa mga native born indonesians nga walay mga dokomento nga makig-alayon sa ilang buhatan.
Ning panahon nga ilawom sa martial law ang Mindanao, ang madakpan og walay ipakitang mga dokomento ang madeport pabalik sa indonesia.
