GENERAL SANTOS CITY – Gikumpirma ni P/C/Insp. Neil Wadingan, ang labaw sa Glan Municipal Police Station nga aduna na silay suspek sa pagpusil patay sa usa ka tricycle driver sa ilang area of responsibility sa miaging semana.
Kahinumduman nga ang biktima ang nailhan sa pangalan nga si Nelson Lagdamin, hamtong ang pangidaron kon asa gipusil sa wala mailhing suspetsado gamit ang 45 calibre pistol sa palengke sa Poblacion Glan.
Natigayon ang pagtiro sa biktima samtang naglingkod sa iyang traysikel samtang anaa sa lugar.
Gibutyag ni Wadingan nga basi sa ilang imbestigasyon, walay nakaaway ang biktima ingon man bahad sa iyang kinabuhi gawas lamang ang kalabutan sa iyang lovelife.
Una nang namahayag ang maong opisyal nga love triangle ang motibo sa pagpamusil kon asa ang suspek ang adunay dakong kasuko sa biktima..
