GENERAL SANTOS CITY – Patay ang 69 anyos nga apuhan human nabanggaan sa prime mover. Giila ang biktima nga si Luz Saranillo, taga Prk 1 Labo, Brgy Katangawan ning dakbayan.
Samtang gimanehuan sa driver nga si Joniel Pesito, 32 anyos, taga Brgy City Heights ning dakbayan, ang prime mover nga gipanag-iyahan ni Elmer Galves nga taga Velasquez St ning dakbayan.
Sa imbestigasyon, gatabok ang biktima sa pedestrian lane sa national highway sa Prk 3 sa Brgy Katangawan, dihang nabanggaan sa nasampit nga truck.
Nadala pa sa balay-tambalanan ang biktima apan gideklaramng patay sa mga doktor gumikan sa serious injuries nga naangkon sa ulo ug lawas.
Gikustodiya na sa mga Traffic Management Unit ang driver sa prime mover samtang ginahikay ang kasong reckless imprudence resulting to homicide batok kaniya.
