GENERAL SANTOS CITY – Kapobrehon ug depresyon ang giatubang nga problema ni John Fritz escalada hinungdan nga gi hostage ang kaugalingon nga mga anak.
Kini ang panglantaw ni Tupi Mayor Reynaldo Tamayo Jr. nga personal nga mitabang sa pagpakalma sa suspek aron buhi-an ang unom ka tuig nga anak nga iyang gi-hostage.
Gumikan niini dili magpabaya ang LGU Tupi aron sapopohon ang duha ka gagmay nga bata pinaagi sa Municipal Social Welfare Development Office.
Kini human mabiktima sa hostage drama kagahapong sa kaugalingon nilang Amahan.
Gipaklaro usab sa Mayor nganong naabtan ug mukapin upat ka oras ang hostage drama kini tungod gipaniguro nga naa sa luwas nga kahimtang ang bata human gikaingon nga adunay armas ang hostage taker.
Nailhan sa mayor ang suspek nga si Escalada human magtrabaho sa municipal hospital ang suspek apan wala magdugay sa trabaho human kini mipahawa.
