18 Barangay sa Polomolok, South Cotabato, kumpirmadong drug-cleared

GENERAL SANTOS CITY – Kumpirmadong drug-cleared kon limpyo na gikan sa iligal nga droga ang 18 ka mga barangay sa Polomolok, South Cotabato.

Kini ang gibutyag sa Bombo Radyo ni Police Senior Inspector Hernan Gabat sa Polomolok Municipal Police Station.

Sumala pa nga na-validate na sa PDEA ang pagka-drug free sa nasampit nga barangay, apan may pipila pa nga gipaabot pa ang validation, sama sa Poblacion, Cannery ug uban pa, human nga naulahi ang pagsumite kanila.

Kahibaluan nga ang Polomolok adunay 23 ka mga barangay. Gilauman matud pang muabot ang validation sa nahibiling barangay aron madeklara usab nga drug-cleared.