DepEd, nanawagan sa mga tulunghaan nga himuong simple ang commencement exercise sa graduation day

GENERAL SANTOS CITY – Hangyo sa Deped nga himuong simple lamang ang ipahigayon nga graduation.

Matud pa ni Gensan Deped Supt Gildo Mosqueda nga ang moving up sa kindergarten og sa Grade 10 lakip na ang graduation sa elementarya ang mahitabo tali sa April 5 hangtod 7 ning tuiga tungod subay sa ilang kalendaryo, sa Abril siete ang ulahing klase.

Gipaklaro niini nga dili mahimong mangolekta ang mga magtutudlo o ang principal sa balaydunon sa mga mu-graduate.

Kon adunay balaydunon angayang base kini sa kagustuhan sa Parents Teachers Association(PTA) og dili pwede nga magmando ang mga magtutudlo.

Gikadugang pa niini nga kung gusto sa PTA nga maanindot ang venue alang sa ipahigayon nga commencement exercise wala silay mahimo.