GENERAL SANTOS CITY – Nagkainitay ang kampo tali nilang Boy Olarte og Pandian sa paghisgot kalabot sa boundery sa ilang claim sa Hacienda Espina sa Labangal.
Kini ang gibutyag ni P/SR/Insp. Robert Fores sa Makar Police Station sa Bombo Radyo.
Sumala sa opisyal, kini dihang gipatawag ang duha ka grupo ngadto sa kampo sa Task force 973 sa maong area aron makaangkon ug deklarasyon kung asa ibutang ang ilang tagsa-tagsa ka utlanan sa gi-claim nga yuta.
Gibutyag ni Fores sa una, wala gilayon mag-uyunay ang duha ka kampo hinungdan nga gipatung-an ni P/CInsp. Renato Salarda, hepe sa Makar Police Station.
Human gipasabot sa opisyal sa katuyuan sa pag-angkon og boundery, sa ulahi, nagkasabot ang duha ka grupo kung asa kutob ang pagbutang og poste.
Gipanghimkak sni Fores nga ang ilang gihimo, pag-usa ug puwersa sa Olarte og Pandian sa maong area.
Plano sa task force 973 commander nga ang grupo sa Mudia og ni Olarte na usab ang ipatawag aron hisgutan gihapon ang kalabot sa utlanan sa gi-claim nilang yuta.
