GENERAL SANTOS CITY – Gikondena sa mga konsehal sa lokal nga panggamhanan ning dakbayan ang post sa social media sa usa ka Angelo Ardison Nolasco kon asa giyatakan ang pagkatawo sa mga kaigsuonang Blaan.
Kini ang hinungdan nganong nahimong emusyunal si IP Representantive Ben Talon atul sa iyang privilege speech sa sesyon kagahapon human niini nabasa ang maong post.
Giangkon ni Kag. Talon nga insulto kaniya ingon man sa iyang mga ka-tribo ang gihimo ni Nolasco.
Nasayran nga wala na nakahuman si Kag. Talon sa iyang pagpamulong human nga nahimong emosyunal sa iyang pagpamulong hinungdan ang anak niini nga si Kristine Faith Talon ang nagpadayon sa pagbasa sa speech para sa amahan.
Kahibaluan nga gi-lecturan sa mga city councilors si Nolasco kon asa gibutyag ni Kag. Shandee Llido-pestanio nga angayang matun-an sa nasampit ang kultura sa taga GenSan.
Sa pahayag ni Nolasco nga didto siya nagdako sa Iloilo og duha ka tuig na nagpuyo dinhi sa dakbayan.
Luyo nga gipaminawan ang public apology, gihingusgan sa konsehala nga wala gi-tolerate sa syudad ang gihimo ni Nolasco.
