GENERAL SANTOS CITY – Gisibog ang gikatakdang pagbitay sa usa ka Pinay househelper sa Al Ain sa United Arab Emirates nga napahamtangan og silot nga bitay human patyon ang lalaking employer niadtong 2015.
Base sa report nga gipagawas sa Khaleej Times, wala sa gidayon sa Al Ain’s Criminal Court of First Instance ang pagbitay kay Jennifer Dalquez tungod hulaton pa ang desisyon sa mga anak sa biktima kung ipadayon ang silot kamatayon o mangayo na lamang og blood money.
Mamahimong dili ipahamtang ang silot bitay kay Dalquez kung mubalibad ang duha ka anak sa biktima nga manumpa sa korte inay mangayo og blood money.
Aron mapalig-on sa korte ang pagbitay sa Pinay househelper, kinahanglan nga 50 ka higayon nga manumpa ang mga anak sa biktima sa korte nga nagkanayong si Dalquez ang mipatay sa ilang amahan.
Kinahanglang magbayad ni Dalquez og bloob money nga mukabat sa 200,000 Dirhams o kapin sa P2.7 Million sa pamilya sa biktima og mabilanggo subay sa kung unsa kadugay nga madesisyunan sa korte.
Tuig 2011 dihang magsugod nga magtrabaho si Dalquez sa UAE og gikatakda na unta kining mubalik sa Pilipinas niadtong 2015.
Kahibaluan nga nangayo og tabang dinhi sa Bombo Radyo ang pamilya ni Dalquez aron maluwas ang ilang anak sa pagbitay.
