GENERAL SANTOS CITY – Mapasalamaton ang usa ka ginang sa nadawat niini nga tabang-pinansyal gikan sa mga tigpaminaw sa Bombo Radyo, human nagpatabang pinaagi sa sibyahan human nga na-tetanus ang iyang bana ug nabutang sa kritikal nga kahimtang.
Giila ang ang nasampit nga si Jenslie Tual, taga Malalag, Cogon, Malungon, Sarangani Province. Matud pa sa ginang nga ang iyang bana ang usa ka mason sa usa ka gambalay sa Brgy Calumpang ug natunok ug lansang kaniadtong Disyembre 24.
Gipasagdan matud pa niini ang pagkatunok hinungdan nga nahimong kritikal ang nahisgutan nga nagpabilin sa Jorge P Royeca Hospital.
Gibutyag usab ni Tual nga natakdan usab siya ug tetanus human nga nakighilawas sila sa mister.
Hinungdan nga dako ang ilang pasalamat sa Bombo Radyo ug sa tigpaminaw nga mitubag sa ilang panawagan, ug nanghinaot nga may uban pang may bulawanong kasing-kasing aron hingpit nga maayo ang bana ug makagawas na sa tambalanan.
