Mipanaw na ang buaya nga mibida sa sikat nga pelikulang ‘Crocodile Dundee’ sa edad nga nubenta(90).
Ang maong buaya gipanganlan nga ‘Burt’ og usa sa mga miilog og atensyon sa pelikulang Crocodile Dundee nga gibidahan nilang Linda Kozlowski, og Paul Hogan.
Si Burt nadakpan niadtong 1980’s sa Northern Teritory sa Australia og gilayon siya nga nahimong kabahin sa maong pelikula nga migawas kaniadtong 1986.
Ang maong pelikula gisundan pa sa duha ka sequel.
Sumala sa Darwin Aquarium, usa ka marine sanctuary sa Northern Territory nga nagsugod pa niadtong 1950s, namatay si Burt samtang natulog sa Crocosaurus Cove, usa ka lugar sa maong sanctuary kung asa dugay nga panahon nga nagpuyo ang sikat nga buaya.
Gawas sa iyang role sa sikat nga pelikula, gihigugma na usab sa mga tawo si Burt tungod sa matod pa iyang sychic abilities.
Sumala sa Darwin Aquarium, nahimo na nga i-predict sa buaya ang pipila ka local elections sa maong lugar, lakip na ang resulta sa pipila ka mga major sporting events.
