Gipangunahan ni PBGEN Arnold Ardiente, ang Regional Director sa Police Regional 12, ang Heroes’ Welcome ug paghatag ug medalya sa 600 ka personahe sa PRO 12 gikan sa nagkalain-laing City ug Provincial Police Offices nga una nang gipakatap aron sa pagdugang sa bag-o lang natapos nga 2025 National and Local Elections sa Bangsamoro Autonomous Region in Muslim Mindanao (BARMM) sa Cotabato Police Provincial Office Headquarters, Amas, Kidapawan City, Cotabato Province kagahapong adlawa, Mayo 14, 2025.
Isip pag-ila sa ilang dedikasyon ug propesyonalismo, ang mga augmented personnel gihatagan ug Medalya ng Kagalingan alang sa pagtabang sa paghatud sa luwas ug kasaligan nga eleksyon sa BARMM atol sa 2025 NLE.
Sumala ni PCol. Deanry Francisco ang Provincial Director sa Sarangani Police Provincial Office nga aduna silay gipadala nga 100 PNP personnel gikan sa han-ay diin kini ang naasign sa Lanao, pagpaklaro ni Francisco nga walay bisag unsang insidente ang nahitabo sa maong lugar ug ilang nabuhat ang ilang mga trabaho ug sakto.
