2 Army reservists, patay sa ambush sa Maguindanao del Norte

Patay ang duha ka Army reservists human gipusil sa sulod sa ilang sakyanan sa Datu Odin Sinsuat, Maguindanao del Norte.

Sa imbestigasyon, gibutyag nga ang usa ka biktima ang 42-anyos samtang ang usa usab ka biktima ang 43- anyos nga pulos taga Cotabato City.

Ang mga biktima pareho nga naka-assign sa PC Hill sa Cotabato City.

Migawas sa imbestigasyon sa kapulisan nga sakay sa sakyanan ang mga biktima kaniadtong Domingo dihang gipusil sa mga indibidwal nga wala mailhan og paspas nga nakapalayo gikan sa crime scene.

Sa karon wala pay klarong motibo og padayon ang imbestigasyon sa kapulisan sa krimen.