Nakuha sa Pilipinas ang pasalig sa World Bank nga tabangan ang sektor sa agrikultura sa nasud ug ang pagpalambo sa human capital.
Matud kang Finance Secretary Ralph Recto nga ang bangko mipasalig niini atol sa high-level dialogueuban sa mga senior nga opisyal sa World Bank Group (WBG) sa Washington DC niadtong Oktubre 22.
Ang mga sideline sa WB – International Monetary Fund Annual Meetings nahitabo sa samang estado sa Estados Unidos sa Amerika gikan sa Oktubre 22-25.
Gipangunahan kini ni Regional Vice President for East Asia and the Pacific Manuela Ferro ug gipasalig nga ang suporta sa proyekto mahiuyon sa pagdugang sa produktibidad ug kita sa mga Pilipinong mag-uuma.
Ang World Bank misaad usab nga motabang sa pag-modernize sa sektor sa agrikultura aron kini mahimong mas komersiyal nga mahimo ug export-oriented.
Sa bahin ni Recto, gihangop niya ang ayuda ug niingon nga ang pagpalapad niini nga sektor makapakunhod sa inflation ug makadugang sa pagtubo sa ekonomiya.
Giila usab sa World Bank nga lig-on gihapon ang pagsalig sa mga mamumuhunan sa Pilipinas tungod sa mga reporma nga mahigalaon sa negosyo.
Gipadayag ni Recto nga ang Pilipinas adunay dakong potensyal nga maapil sa global supply chain sa high-value manufacturing, ilabina sa semiconductor industry.
Gihangyo usab niini ang World Bank nga maghatag dugang nga tabang sa pagpalig-on sa cybersecurity sa Pilipinas.
Nasayran nga niadtong Hunyo, ang International Bank for Reconstruction and Development (IBRD) sa World Bank maoy ikatulo sa kinadak-ang official development assistance (ODA) partner sa Pilipinas nga adunay tabang nga moabot sa $8.84 bilyon.
Sa maong tigom, giubanan ni Recto sila si Agriculture Secretary Francisco Tiu Laurel Jr.; Finance Undersecretary Domini Velasquez; National Treasurer Sharon Almanza; Si WBG Alternate Executive Director Erwin Sta. Ana; ug OIC Assistant Secretary Donalyn Minimo
