Gipangunahan sa Department of Agriculture (DA) ang pagpangandam batok sa posibleng grabeng El Niño nga makaapekto sa produksiyon sa pagkaon, panginabuhian sa mga mag-uuma, ug presyo sa mga palaliton.
Matud ni DA Secretary Francisco Tiu Laurel Jr. nga ang mga pagpangandam naglakip sa pagpaaktibo pag-usab sa El Niño task force sa ahensya.
Kini aron ipatuman ang mga lakang sama sa cloud seeding, solar-powered irrigation systems, mga pagbag-o sa planting calendar, ug mga programa sa diversification sa tanom.
Gibanabana sa DA nga ang produksiyon sa bugas mahimong moubos hangtod sa 700,000 metriko tonelada kung moigo ang kusog nga El Niño.
Samtang, gitaho sa PAGASA nga adunay 92% nga tsansa sa kasarangan hangtod kusog nga El Niño sa ulahing bahin sa 2026 hangtod sa sayong bahin sa 2027.
