Gipaniguro ni Senate President Chiz Escudero nga permahan niini ang warrant of arrest kontra kang suspended Bamban Mayor Alice Guo, kini kung mag issue si Senate Committee on Women and Children Senator Risa Hontiveros.
Ang maong taho gikabutyag sa senador human gipasubpoena na sa Committee on Women, Children, and Family Relations and Gender Equality si Guo uban sa mga parente niini human nga wala na usab kini ning sipot sa naka labay nga pagdungog sa Senado.
Sumala pa ni Escudero, kinahanglang mo atubang gayud si Guo ugmang adlawa sa pagdungog sa Senado, gusto man niini o dili.
Sigon ni Escudero nga obligado gayud ang tistigo nga mo tunga ugaling hatagan na kini subpoena, gikan man kini sa Kongreso o sa Husgado.
Matud sa abogado ni Gou physically ug mentally drained si Guo sa kadagahan sa mga kaso ingon man sa mga pagpang-atake kaniya sa Social Media. Dugang niini nga natrauma usab matud pa si Guo sa pagtrato kaniya sa Senado, rason nga dili maayo ang kahimtang karon sa nasangpit nga kanhing opisyal.
