Dili basta-basta mahimong isipon nga “hypothetical” o joke lamang ang hulga sa kinabuhi, matud ni Atty. Dominador Lagare.
Gipasabot ni Lagare nga usa kini sa gitan-aw sa mga imbestigador may kalabotan sa pagpagawas sa warrant of arrest batok kang Vice President Sara Duterte, tungod sa iyang mga pahayag batok nila ni Presidente Ferdinand Marcos Jr., First Lady Liza Marcos ug kanhing House Speaker Martin Romualdez.
Dugang pa niya, gikonsiderar usab sa mga imbestigador ang kapasidad ni VP Sara Duterte ug kung aduna ba siyay posibilidad nga matuman ang maong hulga.
Matud pa ni Lagare, dili basta-basta ang pag-ingon nga patyon ang usa ka tawo ug dili kini angay dayon isalikway isip joke lamang, ilabina kung ang maong pahayag mahimong hinungdan sa kahadlok o adunay posibilidad nga matuman
