GENERAL SANTOS CITY – Walo ang labing bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Gibutyag nga anaa sa upat ang bag-ong nakarekober og walay natala nga namatay.
Sa walo nga bag-ong kaso lima ang dikan sa Gensan ug tulo sa South Cotabato.
Ang Gensan may 17,799 ka kaso , 54 ang active cases ug 631 ang patay.
Ang North Cotabato 13,863 ka kaso , pito ang active cases ug 664 ang patay.
Sa Sarangani may 7,992 ang kaso nga natala, 17 ang active cases ug 196 ang patay.
Sa South Cotabato 22,146 ka kaso , 60 ang active cases ug 823 ang patay.
Samtang sa Sultan Kudarat 8,545 ang kaso , unom ang active cases ug 251 ang patay.
Sa katibuk-an adunay 70,345 ang COVID-19 confirmed cases sa SOCCSKSARGEN region kung asa 44 (0.20%) ang active cases, 67,604 (96.10%) ang recoveries 2,565 (3.65% ang COVID-19 related deaths.
