Mobalik sa pag-arte ang aktor ug senador nga si Robin Padilla sa iyang bag-ong action series nga “Blood vs Duty.”
Kini gikumpirma sa usa ka iladong production studio sa usa ka social media post nga nagpahibalo sa espesyal nga partisipasyon ni Padilla sa maong serye nga gibidahan nila ni Gerald Anderson ug Richard Gutierrez.
Sa serye, modala si Padilla sa papel sa usa ka Muslim nga karakter nga ginganlag Ahmad Mustapha.
Samtang, si Robin miingon nga ang iyang pagbalik sa pag-arte tungod sa iyang gitawag nga “kalisud” samtang nagserbisyo sa politika.
Ang aktor-politician kaniadto mipaambit nga gibaligya usab niya ang iyang propiedad sa Quezon City nga nailhan nga Museo de Padilla.
Ang iyang pagbalik sa telebisyon nagsunod sa iyang katapusang proyekto niadtong 2018, ang “Sana Dalawa ang Puso Ko,” diin kauban niya si Jodi Sta. Maria.
Sa pelikula, katapusang nakita siya sa “Maid in Malacañang” niadtong 2022.
