MAASIM, SARANGANI –Gipadayag ni PMAJ Edgar Vanzuela,hepe sa Maasim Police Station, nga padayon ang ilang implementasyon sa tanang local ordinances isip kabahin sa DILG, nga ginapatuman adlaw ug gabii sa ilang kapolisan.
Lakip sa ilang ginabantayan mao ang pagdakop sa mga naglakaw nga walay sul-ob nga t-shirt, curfew sa mga menor de edad, ug mga establisemento nga molapas sa alas-diyes sa gabii sama sa videoke ug pag-inom sa pampublikong lugar.
Giapil usab sa ilang kampanya ang pagpatuman batok sa pagpanigarilyo sa public places ug ang ilegal nga “boga-boga” sa mga motorsiklo.
Matod pa niya, ang maong estrikto nga implementasyon ginabuhat kauban ang DILG ug mga barangay officials aron mas mapalig-on ang kooperasyon sa komunidad.
Gipakita usab sa kapolisan nga pinaagi sa pagsunod sa ordinansa, maminusan ang krimen sama sa rambol ug panagbangi sa kadalanan.
