Mayor Pacquiao, nagpahimangno sa publiko batok sa grabeng kainit sa panahon

GENSAN- Gipahimangnoan ni Gensan City Mayor Lorelie Pacquiao ang mga residente sa dakbayan nga mag-amping ilabi na kung mogawas sa ilang panimalay tungod sa kainit sa panahon.

Sumala sa nasamit nga opisyal nga importante ang kanunay nga pag-inom og tubig ug pagdala og bottled water o tumbler aron malikayan ang dehydration.

Gipunting usab niya ang kahinungdanon sa pag-andam batok sa posibleng epekto sa El Niño nga gitan-aw na sa lokal nga gobyerno.

Sumala sa mayor, nakigpulong na ang city government sa mga departamento aron mapalig-on ang mga lakang sa preparasyon.

Gi-awhag usab niya ang publiko nga magbinantayon ug magtinabangay aron malikayan ang grabeng epekto sa init nga panahon.