Naaresto sa mga otoridad ang usa ka lalake gumikan sa ilegal nga droga og daghang mga armas sa gipahigayong operasyon sa Brgy. Mapurok, Alamada, Cotabato.
Ang search warrant ang gipatuman sa mga personahe gikan sa Alamada Municipal Police Station, 2nd Provincial Mobile Force Company of Cotabato Police Provincial Office, 34th Infantry Battalion, Philippine Army, og Regional Intelligence Division 12 Tracker Team Echo.
Ang warrant ang gi-isyu sa Regional Trial Court Branch 28, Midsayap, Cotabato.
Gumikan niini nasikop ang suspek nga si alias “Isma”, 37 years old, minyo nga residente sa Purok 5, Brgy. Mapurok, Alamada, Cotabato.
Nakuha gikan kaniya ang usa ka caliber .45 pistol, usa ka lower receiver sa caliber .45 pistol, unom ka bala sa .45, usa ka steel magazine sa caliber .45 pistol, usa ka rifle grenade, usa ka glass tooter, og usa ka heat-sealed transparent plastic sachet nga may sunod nga suspected shabu.
Ang suspek lakip ang mga ebedensya ang gidala sa Alamada MPS alang sa proper disposition og gikatakda nga kasuhan.
