GENSAN- Nagpahigayon og rally ang mga konsumedores sa SOCOTECO II atubangan sa Sangguniang Panglungsod samtang ginapresentar sa Meralco ang ilang proposal may kalabutan sa power distribution sa lugar.
Gipahayag sa mga nagrally ang ilang kabalaka ug supak sa posibleng pagbalhin sa serbisyo ngadto sa Meralco, nga ilang giingong mahimong mosangpot sa pagsaka sa bayranan sa kuryente ug pagkawala sa lokal nga kontrol sa kooperatiba.
Mas gusto nila nga magpabilin ang SOCOTECO II isip provider sa kuryente tungod kay mas duol kini sa komunidad ug mas dali silang makadangat og serbisyo ug tubag sa ilang mga reklamo.
Sa laing bahin, gipadayag sa Meralco sa ilang presentasyon nga ang ilang proposal nagtumong sa pagpalambo sa serbisyo sa kuryente pinaagi sa mas modernong sistema ug mas lig-on nga power supply sa lugar.
