GENERAL SANTOS CITY – Gisaway ang usa ka kagawad sa Brgy Poblacion, Alabel, Sarangani Province human nabulabog nga walay bisan usa ka resolusyon nga naduso sa iyang pagpangatungdanan.
Kini human nasayran nga ang nasampit nga kagawad ang matud pa mihangyo sa kauban nga kagawad nga may siyam ka resolusyon, aron pangayuon ang tulo niini ug matabunan nga zero kon wala siyay nahimong trabaho, sa pagpresenta sa ilang mga resolusyon atul sa ilang general assembly.
Nabulabog nga dili iyaha ang mga resolusyon nga iyang gireport hinungdan nga mialama ang mga uban nilang kaubanan nga kagawad, hilabi na nga usa kadto ka matang sa dishonesty kon pagpamakak.
Hinungdan nga posible matud pang makasuhan ang nahisgutan, lakip ang kauban nga mitugot kaniya.
Hinungdan nga gikatakdang susihon ug imbesigahan kini sa DILG.
