GENERAL SANTOS CITY – Gatuo si P/Col. Aden Lagradante nga grupo ang nagpaluyo sa serye sa pagpanulis dinhi sa syudad.
Matud sa labaw sa kapulisan sa GenSan nga gapuli-puli lang og motorsiklo ug istilo ang mga suspek apan taas ang kamot sa balaud hinungdan nga muabot ang panahon nga madakpan ang mga nasampit.
Gidugang pa sa City PNP Director nga mahurot ra ang buwenas sa mga responsable sa pagpanulis sa dakbayan.
Sa pamahayag pa ni Col. Lagradante, kung makahatag og sayong impormasyon ang mga katawhan, maaksyunan gilayon sa mga pulis ang unsa mang bahad o dautang plano.
Ang komunidad ang angayang mutabang sa kapulisan aron mapabilin ang kalinaw ug kahapsay sa syudad.
Sumala pa nga nag-warning na kini ngadto sa mga police station commanders nga dili pasagdan ang ilang area of responsibility aron dili malutsan sa mga dautang tawo.
