Nag-agbat kaganinang alas-nueve sa buntag oras sa Pilipinas, sila United States President Joe Biden ug kanhi President Donald Trump alang sa ilang pinaka-unang televised debate sa 2024 election.
Dihang nag-agbat sa entablado, wala sila maglamanuhay.
Gisugdan ang debate pinaagi sa pangutana kalabot sa inflation – kondiin gibutyag ni Biden ngadto sa mga botante, nga sila ang naala-ot dayong basol kang Trump tungod sa gibilin niini nga nahugnong ekonomiya uban sa pasaka nga unemployment.
Gibutyag pa niini nga kinahanglan nilang maghi-usa tungod sa kadaghan sa mga dili maayong panghitabo panahon sa administrasyong Trump nga wala man lama’y gihimo.
Namatikdan usab ang pila ka higayong paggamit ni President Biden sa mga pulong nga “chaos” kon gubot.
Miitubag gilayon si Trump sa unang pangutana kalabot sa ekonomiya ug taas nga inflation kondiin iyang gipasi-atab nga nakab-ot sa Amerika ang “greatest economy” dihang siya pa ang presidente.
Dihang na-igo matud pa sa COVID-19 ang ilang nasud, ilang gigasto sa insakto ang kwarta sa ingon dili matud pa sila musangpot sa great depression.
Maayo matud pa ang dagan sa tanan dayong atake sa mga COVID policies ug economic track record sa Biden administration.
Dihang kang Biden na ang higayon nga mutubag, gipadayag niini nga ang gi-claim ni Trump nga nakamugna siya og pinaka-maayong ekonomiya, nakabenepisyo lang sa mga adunahang Amerikano.
Sa pangutana usab kung ang taripa, mipasaka ba sa presyo, gipadayag ni Trump nga iyang gihatag ngadto sa mga botante ang pinakadako nga tax cut sa kasaysayan.
