US gymnast Simone Biles nakadaog sa iyang ika-6 nga Olympic gold medal sa Paris Olympics

Nakadaug na sa iyahang ika unom nga Olympic Gold Medal ang US gymnastic star nga si Simone Biles human nakadaog sa Women’s All-Around category.

Sa nahisgutang duwa, nalabwan niini si Rebeca Andrade sa Brazil, nga gikonsiderar niini nga higpit nga kakompetensya.

Nakakuha kini og kinatibuk-ang 59.131 puntos nga labaw lang og 1.199 puntos sa Brazilian gymnast.

Kini ang ikaduhang all-around gold ni Biles human nakadaog sa team gold pipila ka adlaw ang milabay.