GENERAL SANTOS CITY– Usa ka importanteng tigom ang nahitabo sa wala pa ang opisyal nga pag-abli sa 33rd Mindanao Business Conference (MinBizCon) tali ni Mayor Lorelie Geronimo Pacquiao ug mga sakop sa Philippine Chamber of Commerce and Industry (PCCI) aron hisgotan ang mga inisyatiba alang sa kalamboan sa Mindanao.
Kauban sa tigom si Consul Enunina V. Mangio, Presidente sa Philippine Chamber of Commerce and Industry (PCCI), Her Excellency Marykay Loss Carlson, US Ambassador to the Philippines, ug Mr. Miguel Rene A. Dominguez, Presidente sa General Santos City Chamber of Commerce and Industry, Inc. (GSCCCII) ug Conference Director sa ika-33 nga MinBizCon.
Sa maong tigom, gipasiugda ang kamahinungdanon sa kooperasyon tali sa gobyerno, pribadong sektor, ug mga international partners aron mas paspas ang paglambo sa ekonomiya sa Mindanao.
Gidayeg usab sa mayor ang mga lakang nga gihimo sa PCCI sa pagpalig-on sa kahigayonan sa mga negosyante sa rehiyon.
