Dili pa mahimong yellow plate ang sidecar sa mga tricycle sa General Santos City bisan pa og naaprobahan na ang ilang franchise.
Matud ni Engr. Mylen Gecosala, acting head sa Public Safety Office o PSO-GenSan, kinahanglan pa nga makuha sa mga operator ang opisyal nga kopya sa ilang franchise ug mag-aplay og change class sa Land Transportation Office o LTO.
Kapin sa 2,200 ka aplikasyon sa tricycle franchise ang naaprobahan na ug kasamtangang giproseso ang mga kopya niini alang sa pagpirma ni Mayor Lorelie Pacquiao.
Gipasabot ni Gecosala nga gikan sa green plate, kinahanglan pa usbon sa LTO ang classification ngadto sa yellow plate una mahimong ipatuman ang kausaban sa rehistro sa tricycle.
Busa, dili pa mahimong pinturahan og yellow ang sidecar hangtod nga wala pa ma-isyu sa LTO ang bag-ong plate number.
Giawhag sa PSO-GenSan ang mga operator nga sundon ang hustong proseso aron malikayan ang paglapas sa mga regulasyon sa transportasyon
