Misaka sa 6 porsyento ang unemployment rate o gidaghanon sa mga walay trabaho sa nasud niadtong Hulyo 2026, base sa pinakabag-ong datos sa Philippine Statistics Authority o PSA.
Katumbas kini sa gibanabanang 3.14 milyon ka mga Pilipino nga walay trabaho, mas taas kumpara sa 2.59 milyon niadtong Hulyo 2025 ug 2.41 milyon niadtong Abril karong tuiga.
Samtang, miabot sa 49.21 milyon ang gidaghanon sa mga Pilipino nga adunay trabaho, samtang 12.9 porsyento ang underemployment rate. Kini nagpasabot sa mga tawo nga adunay trabaho apan nangita pa og dugang oras o dugang trabaho aron madugangan ang ilang kita.
Pinakataas ang unemployment rate sa National Capital Region o NCR nga miabot sa 8.2 porsyento, gisundan sa Bicol Region nga adunay 8 porsyento.
