-- ADVERTISEMENT --

SULTAN KUDARAT- Naangol ang usa ka 40-anyos nga pulis human madisgrasya ang iyang gimanehong motorsiklo sa Gallego Street, Barangay Kalawag II, Isulan, Sultan Kudarat, alas 11:40 sa buntag kagahapon, Nobyembre 22, 2026.

Giila ang drayber nga si PSMS Jay Delco Tapleras, minyo ug kasamtangang naka-assign sa Esperanza Municipal Police Station.

Base sa imbestigasyon sa Isulan Municipal Police Station, misulay og overtake ang motorsiklo nga gimaneho ni Tapleras sa usa ka wala mailhing motorsiklo nga adunay sidecar, apan tungod sa sobra nga kusog sa dagan, nawad-an siya og kontrol sa iyang gimanehong sakyanan ug natumba sa sementadong dalan.

Gidala ang naangol nga pulis sa Sultan Kudarat Provincial Hospital pinaagi sa ambulansya sa LGU Isulan Rescue Team alang sa pagpatambal, samtang anaa na sa kustodiya sa kapulisan ang nalambigit nga motorsiklo alang sa hustong disposisyon.