-- ADVERTISEMENT --

ALABEL,SARANGANI- Mokabat sa ₱200,000 ang gibanabanang kadaot sa kabtangan human nasunog ang balay sa usa ka 67-anyos nga senior citizen sa Purok 1, Libertad, Barangay Maribulan, Alabel, Sarangani Province, alas 1:50 sa hapon kagahapon, Nobyembre 22, 2026.

Ang tag-iya sa balay nga si Juanito Duletin Santarin maoy miila sa maong insidente, samtang nadeklarang fire out ang sunog alas 2:20 sa hapon pinaagi sa mga personahe sa Bureau of Fire Protection o BFP-Alabel nga gipangulohan ni FO1 Marvin Aranquez.

Matod sa Alabel Municipal Police Station, wala pa matino ang hinungdan ug gigikanan sa sunog ug padayon pa kining giimbestigahan sa BFP-Alabel.

Samtang, usa ka lalaki nga giila nga sa Alyas Jimboy, residente sa Barangay Poblacion, Sarangani Province, ang gidakop ug gipabilin sa kustodiya, apan wala pa matino sa report ang iyang kalambigitan sa maong insidente.