Gilauman nga molig-on pa ug mahimong grabeng El Niño sa umaabot nga mga bulan, sumala sa pahimangno sa World Meteorological Organization (WMO) sa United Nations.
Gilauman nga magpadayon ang maong phenomenon hangtod sa Pebrero.
Nagpasidaan ang WMO nga magdala kini og grabeng kausaban sa ulan ug temperatura, lakip na ang pagbaha, hulaw ug grabeng kainit.
Matud ni UN Chief António Guterres, labi pang gipakusog sa El Niño ang kainit sa kalibotan nga nag-antos na karon sa mga epekto sa climate change.
Gipahayag usab ni WMO Chief Celeste Saulo nga mahimo kini nga moresulta og dakong epekto sa global nga ekonomiya, agrikultura ug panglawas.
Narekord na usab ang dili kasagarang pag-init sa kadagatan sa Pasipiko nga misaka sa kapin duha ka degree kon itandi sa normal nga average.
Tungod niini, giawhag sa United Nations ang tanang nasod nga mangandam na dayon aron maminusan ang mahimong kadaot sa mga komunidad.
