Kapin sa P68,000 ang kantidad sa ilegal nga droga ang nakumpiska sa mga otoridad sa gipahigayon nga operasyon sa Miravilla Homes, Brgy. Glamang, Polomolok, South Cotabato.
Sa maong operasyon tulo ka mga high value individuals “(HVIs) ang naaresto.
Ang operasyon ang gihimo sa hiniusang pwersa sa Polomolok Municipal Police Station (MPS), South Cotabato Police Provincial Office (SCPPO), Regional Police Drug Enforcement Unit 12 (RPDEU 12), Philippine Drug Enforcement Agency Regional Office XII (PDEA RO XII) Sultan Kudarat, PDEA South Cotabato, og PDEA National Special Enforcement Team.
Ang mga naaresto mao silang alias “Don-don”, 41 years old, nga residente sa maong lugar, alias “Enteng”, 47 years old, residente sa Kapatagan Grande, Digos City; og alias “Vren”, 34 years old, single, residente sa Miasong, Tupi, South Cotabato.
Nakumpiska atol sa operasyon ang 11 ka sachets sa suspected shabu, usa ka homemade Uzi firearm, duha ka cellular phones, tulo ka all-weather tooters, usa ka bamboo sealer, laing mga drug paraphernalia og ang usa ka P1,000 nga buy-bust money.
